ХӨСҮТ-ийн Вирус судлалын лаборатори, Дархан-Уул аймаг дахь салбар лабораторид өчигдөр нийт 621 хүний шинжилгээг хийхэд бүгд сөрөг буюу коронавирусний халдваргүй гарсныг ХӨСҮТ-ийн Тандалт, судалгааны албаны дарга А.Амбасэлмаа өнөөдөр мэдээлэв.
Тэрбээр “Наймдугаар сарын 09-нд Франкфурт-Улаанбаатарын онгоцоор ирсэн 260 хүн, Дархан-Уул аймаг, ХӨСҮТ, бусад ажиглах байранд ажиллаж байгаа эмч, эмнэлгийн 30 ажилтан, Алтанбулагийн боомтоор орж ирж, Дархан-Уул аймагт тусгаарлагдсан 36 хүний шинжилгээ, мөн Алтанбулаг боомтоор орж ирсэн ачаа тээврийн 16 жолоочийн анхны шинжилгээний хариу сөрөг гарлаа" хэмээв.
Мөн долдугаар сарын 21-нд Токио-Улаанбаатарын онгоцоор ирсэн 260 хүн, тусгаарлах байранд байгаа 5 хүн, Цэргийн төв эмнэлэгт байгаа 11 хүнд давтан шинжилгээ хийхэд коронавирус илрээгүй байна.
Монгол Улсад коронавирусний 293 батлагдсан тохиолдол байна. ХӨСҮТ-д 30 хүн эмчлүүлж байгаа бөгөөд биеийн байдал хөнгөн байна. Эдгэрээд гарсан 263 хүний 47 нь сувилалд 23 нь гэрийн ажиглалтад байгаа бол 193 хүний ажиглалт тандалтын хугацаа дуусчээ.