Монгол Улсын Онцгой комисс, Засгийн газраас 2020 оны дөрөвдүгээр сарын 30 болон тавдугаар сарын 1-нд БНСУ-аас, тавдугаар сарын 2-ны өдөр Франкфурт хотоос 800 гаруй иргэнээ татан авахаар бэлтгэж байна.
Мөн хоёрдугаар сарын 1-нээс хойш хилийн чанадад байсан иргэдээ эх орондоо татаж нийт 8 нислэгээр 4300 иргэнийг хүлээн аваад байгаа юм. Гадаадад байгаа манай улсын 9900 гаруй иргэн эх орондоо ирэх хүсэлтээ ирүүлээд байна.
Гадаад харилцааны яамны Консулын газрын дарга Л.Мөнхтүшиг: “Гурван онгоцоор иргэдээ авахаар бэлтгэл хангасан” гэлээ.
Тухайлбал, 04.30-нд Сөүл-УБ /транзит/
Нийт 7 улсаас 273 зорчигч
05.01-нд Сөүл-УБ
Нийт 271 зорчигч
05.02-нд Франкфурт-УБ /транзит/
Нийт 13 улсаас 263 иргэн тус тус ирэхээр болжээ.
Нийт 3000 гаруй иргэнээс 1750 нь шаардлагад нийцсэн хүсэлт байсан бөгөөд уг сонголтыг хийхэд УОК-ын Шуурхай штаб дээр ажиллаж байгаа бүх мэргэжлийн байгууллагууд 24 цагийн турш ажилласан юм байна. Улаанбаатар /МОНЦАМЭ/