Богдхан уулын дархан цаазат газрын хязгаарлалтын бүс буюу Хан-Уул дүүргийн нутаг дэвсгэрт Соёмботой уулын урдуур, Хийморийн овооноос Ар Зайсангийн гудамж хүртэлх шинэ авто замын өргөтгөлийн ажил өнөөдрөөс эхэллээ.
Нийслэлийн 2026 оны төсвөөс 2.7 тэрбум төгрөгийн санхүүжилтээр хийгдэж буй уг бүтээн байгуулалттай холбогдуулан иргэд, жолооч нарыг түр зохицуулалт болон замын тэмдэг, тэмдэглэгээг чанд мөрдөхийг Богдхан уулын ДЦГ-ын Хамгаалалтын захиргаанаас анхааруулж байна. Мөн цахим орчин дахь худал мэдээлэлд төөрөгдөхгүй байж, зөвхөн албан ёсны эх сурвалжид хандахыг зөвлөлөө.