Хавдар судлалын үндэсний төвийн ерөнхий захирал Н.Эрдэнэхүүг ажлаас чөлөөлж буй сайдын тушаалыг Эрүүл мэндийн яамнаас томилогдсон ажлын хэсэг түүнд танилцуулжээ. Улмаар ХСҮТ-ийн Ерөнхий захирлаар Анагаах ухааны доктор М.Адилсайханыг томилсон талаар ЭМЯ мэдээллээ. Тэрээр тэргүүлэх зэрэгтэй хавдар судлаач эмч, элэг цөс, нойр булчирхайн мэс заслын эмч бөгөөд ЭМЯ-ны Хавдар судлалын мэргэжлийн салбар зөвлөлийн нарийн бичгийн дарга, Япон улсын Айчигийн АУИС-д Анагаах ухааны докторын зэрэг хамгаалсан, Япон улсын Айчи Анагаах ухааны их сургуульд хоол боловсруулах мэс заслын тэнхим мэс заслын эмч, гадаад судлаачаар ажиллаж байсан туршлагатай аж. Мөн 2016-2025 Эрдмийн зөвлөлийн гишүүн, АУС, АШУҮИС, 2016-2021 Хавдар судлалын мэргэжлийн салбар зөвлөлийн нарийн бичгийн дарга, ЭМЯ, 2017-2022 Судалгааны ёс зүйн хяналтын хорооны гишүүнээр ажиллаж байсан юм.
ХСҮТ-ийн Ерөнхий захирлаар С.Адилсайханыг томилжээ
Т.САЙХАН