Саудын Арабын Жидда хотод болсон Испанийн Супер цомын төлөөх финалын тоглолтод “Барселона” баг “Реал Мадрид”-ыг хожсоноор ээлжит удаагаа цомын эзнээр шалгарлаа.
Ням гарагт болсон тоглолтод Каталоны баг 5:2 харьцаагаар ялалт байгуулсан бөгөөд Рафинья /39 ба 48 дахь минут/ дубль хийсэн бол Л.Ямал /22/, Р.Левандовски /36 дахь минут, торгуулийн цохилт/, А.Бальде /45+10/ нар тус тус нэг бөмбөг оруулсан байна. Харин “Реал”-аас К.Мбаппе /5/, Родриго /60/ нар гоолдов.
Өрсөлдөгч багийн тоглогчийг дэгээдэж унагасан хаалгач Войцех Щенсный 57 дахь минутад улаан хуудас авч, талбайг орхисны дараа түүнийг Иньяки Пенья орлож, “Барселона” баг 57 дахь минутаас эхлэн цөөхүүлээ тоглосон байна.
Барселончууд Испанийн Супер цомын аваргаар 15 дахь шалгарсан бол “Реал” баг 13 удаа цомыг хүртсэн байна.
Энэ улиралд буюу 10 дугаар сарын 26-нд болсон Италийн аварга шалгаруулах тэмцээний 11 дүгээр тойргийн тоглолтод “Барселона” баг “Реал”-ыг 4:0 харьцаагаар хожжээ.