Улаанбаатар хотын таван байршилд энэ долоо хоногт нийт 5.3 км авто замыг засна. Тодруулбал, Баянбүрдийн тойргоос 32-ын уулзвар хүртэлх замыг хааж засаж байгаа бөгөөд энэ сарын 21-ний 6:00 цагт нээнэ.
Нисэхийн тойргоос Хурдны зам хүртэлх замыг нөгөөдөр 23:00 цагаас 23-ны өдрийн 6:00 хүртэл хааж шинэчилнэ.
Үндэсний соёл амралтын хүрээлэнгийн баруун урд уулзвараас Циркийн уулзвар хүртэлх замыг нөгөөдөр 22:00 цагаас 23-ны 6:00 цаг хүртэл хааж, засах юм.
"Фүүд сити" төвөөс Яармагийн гүүр хүртэлх замыг энэ сарын 20-ны 23:00 цагаас 23-ны 6:00 цаг хүртэл хааж, шинэчилнэ.
Төмөр замын дээд сургуулийн уулзвараас "Гранд" плаза хүртэлх замыг энэ сарын 21-ний 23:00 цагаас 24-ний 6:00 хүртэл хааж, шинэчлэх аж.
Ингэхдээ инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих зэрэг ажил гүйцэтгэхийг НЗДТГ-ын ХМОНХХ мэдээллээ. 