Монголын үндэсний бөхийн холбооны “Pepsi-Алтан цом”-ын төлөөх хагас шигшээ барилдаанууд өндөрлөх дөхөж байна. Өчигдөр “С” хэсгийн хоёрдугаар тойргийн барилдаан Ховд, Төв аймгуудын дунд өрнөж, Ховд аймгийн баг 16:9-өөр хоёр дахь ялалтаа авлаа.
Ховд аймгийн багт улсын аварга О.Хангай, улсын заан Б.Пүрэвсайхан нар тус бүр 5 давж, улсын заан Б.Бат-Өлзий 3, улсын харцага Г.Ганхуяг давалгүйгээр гуравдугаар тойргоос сэлгээнд сууж, түүний оронд орж барилдсан аймгийн арслан Ц.Төмөрцоож 2, аймгийн арслан У.Батцоож 1 нийт 16 даваа авсан бол, Төв аймгийн багт улсын начин Г.Ганжад 2, аймгийн хурц арслан Э.Төгөлдөр 1 аймгийн арслан Л.Даваажамц 3, аймгийн арслан Н.Дашдаваа 1, аймгийн арслан Л.Энхтүвшин 2 давж нийт 9 даваа авчээ.
Ховд аймгийн багийн дасгалжуулагчаар улсын заан Ц.Мягмарсүрэн, улсын харцага Г.Алтангэрэл, Төв аймгийн багийн дасгалжуулагчаар улсын харцага Ө.Даваабаатар нар ажилласан байна. Ялсан баг шагналын 5.000.000 төгрөг болон бөхчүүд давааны мөнгөө тус тус гардсан юм.