Гадаад худалдааны нийт бараа эргэлт энэ оны эхний 10 сарын дүнгээр 20033.6 сая ам.доллар болов. Энэ нь 2022 оны мөн үеийнхээс 2898.6 сая ам.доллар буюу 16.9 хувиар өсжээ.
Ингэснээр экспортын дүн нь импортынхоос 4914.4 сая ам.доллараар давж, гадаад худалдааны баланс эерэг гарсан байна. Гадаад худалдааны энэ оны эхний 10 сарын гүйцэтгэлийг экспортын 525662, импортын 251641 гаалийн мэдүүлэг болон бусад эх сурвалжийг үндэслэн гаргажээ. Үүнээс, тайлангийн хугацаанд нээгдэж ажилласан түр боомтоор нэвтрүүлсэн экспортын 27408, импортын 1092 мэдүүлэг байсныг Гаалийн ерөнхий газраас мэдээллээ.
