Хотын дарга асан М.Энхболд АТГ-т мэдүүлэг өгч, "алим" Ц.Батбаярыг баривчилжээ

оруулсан Алсын Хараа

Б.ГАРЬД

Хоттой холбоотой хэргүүд АТГ дээр овоорч байгаа бололтой. Уржигдар л гэхэд 2009 оноос хойшх автобусны шууд худалдан авалттай холбоотой асуудлыг хууль хяналтын байгууллагаар шалгуулах тухайгаа Хотын дарга Х.Нямбаатар хэллээ.

Эндээс нэг харамсалтай “мэдээ” сонсогдсон. Юу гэхээр, Засгийн газар, Хотын захиргаа 2009 оноос хойшх удаад дараа автобус худалдаж авахдаа шууд гэрээгээр авчихдаг байжээ. Мөн хотын иргэд 2009 оноос хойш нэг ч шинэ автобус “унаагүй” байгаа юм. Ногоон автобусаар эхэлсэн автобусны худалдан авалттай холбоотой хулгай ингээд өнгө өнгөөр нэмэгдээд явчихаж байх шиг байна. Бас 2009 оноос хотыг удирдсан дарга нар автобусны хэргээр шалгуулах нь тодорхой боллоо.

Түүнээс гадна, хоттой холбоотой олон хэргийг АТГ-ынхан шалгаад эхэлчихсэн. Газар олголт, дулаан цахилгааны эх үүсвэр, хот төлөвлөлт гээд эхэлнэ. Харамсмаар нь улсын хүн амын талаас дээш хувь амьдардаг хотын эдгээр гол асуудлын араас авлига, албан тушаалын хэргүүд илэрч байна. Хотын хөгжлийн “түгжрээ” нь энэ аж.

Тиймээс АТГ-аас дээр дурдсан асуудлаар Хотын дарга, бусад удирдах албан тушаалд ажиллаж байсан хүмүүсийг дуудаж мэдүүлэг аваад эхэлжээ. Тухайлбал,  Хотын дарга асан М.Энхболд газар олголт, бусад асуудлаар АТГ-т дуудагдаж очоод мэдүүлэг өгчээ. Ийм байдлаар “хотын хэргүүд”-ийг мөрдөн шалгах ажиллагаа цааш үргэлжлэх бололтой.

Эх сурвалж: “Зууны мэдээ” сонин

2023 ОНЫ АРВАННЭГДҮГЭЭР САРЫН 1. ЛХАГВА ГАРАГ. № 217 (7202)

 

Хотын дарга асан М.Энхболд мэдүүлэг өгч, Ц.Батбаярыг автобустай холбоотой асуудлаар баривчилсан

Газар олголт болон автобус худалдан авах ажиллагаатай холбоотойгоор Хотын дарга асан М.Энхболдоос мэдүүлэг авсан бол Ц.Батбаярыг баривчилсан гэх асуудлыг холбогдох байгууллагаас тодрууллаа.

Энэ талаар АТГ "Улаанбаатар хотын дарга асан М.Э газар олголттой холбоотой асуудлаар АТГ-т ирж мэдүүлэг өгсөн нь үнэн.

Харин Хотын дарга асан Ц.Б-г автобустай холбоотой асуудлаар баривчилсан. Цагдан хориогүй. Өмнө нь түүнд автобустай холбоотой асуудал байсан байж болзошгүй нөхцөл тогтоогдоод байгаа.

АТГ-аас газар олголт болон автобус худалдан авсан асуудлаар баримтыг нотлох шалгалтын ажиллагаа үргэлжилж байна" гэв.

2008 оноос эхлэн нийтийн тээврийн парк шинэчлэлийн хүрээнд хийсэн автобус худалдан авалт гэмт хэргийн шинжтэй байж болзошгүй нөхцөл байдал үүссэн тул уг асуудлыг хуулийн дагуу шалган шийдвэрлэх, уг үйлдлийн улмаас учирсан хохирлыг нөхөн төлүүлэх хүсэлтийг гаргаад байгаагаа НЗДТГ-аас өчигдөр мэдээлж байв.

Эх сурвалж: Ikon.mn

 

Сэтгэгдэл бичих