Агаарын тээврээр энэ он гарснаас хойш өнөөдрийг хүртэл хугацаанд 324,386 зорчигч зорчжээ. Тодруулбал, 234,121 зорчигч олон улсын нислэгээр, 90,265 нь орон нутгийн нислэгээр үйлчлүүлсэн байна. Энэ нь өмнөх оны мөн үетэй харьцуулахад 145.8 хувиар өссөн үзүүлэлт хэмээн Зам, Тээврийн Хөгжлийн Яамнаас мэдээлэв.
График: Зорчигчдын үйлчлүүлсэн авиа компаниуд, 2023 оны эхний улирал
A Flourish data visualizationДээрх графикаас харвал, үндэсний агаарын тээвэрлэгч МИАТ ТӨХК-аар нийт зорчигчийн 53.4 хувь нь үйлчлүүлсэн байна. Харин Туркиш Эйрлайнс, Эйр Чайна, Кореан Эйр зэрэг гадаад улсын агаарын тээвэрлэгчдээр 22.7 хувь нь үйлчлүүлжээ.
2023 онд тус яамны зорилтод агаарын тээврээр 1.5 сая зорчигч тээвэрлэх тухай бий. Түүнчлэн шинээр агаарын харилцааны хэлэлцээрүүдийг байгуулж, нислэгийн тоо, давтамжийг 2-3 дахин нэмэгдүүлснээр нэг жилд гурван сая зорчигч тээвэрлэх боломжийг бүрдүүлжээ.