“Эрдэнэс Монгол” ХХК-ийн ахлах менежерт 234, гүйцэтгэх албан тушаалд 1,828 хүн шалгалтад орох шаардлага хангажээ

оруулсан Алсын Хараа

“Эрдэнэс Монгол” ХХК-ийн Нээлттэй болон нөөц бүрдүүлэх ажлын байрны сонгон шалгаруулалтын явцын талаар холбогдох албаныхан өнөөдөр мэдээлэл өглөө.

"Нэгдүгээр сарын 2-20-ны хооронд сонгон шалгаруулалтад бүртгүүлсэн иргэдийн материалыг нягтлан шалгасан. “Эрдэнэс Монгол” ХХК-ийн ажлын байрны бүртгэлд давхардсан тоогоор нийт 3,544, давхардаагүй тоогоор 2,955 хүн бүртгүүлсэн. Үүнээс 2,407 хүний баримт бичиг шаардлага хангасан байна.

Ахлах менежерийн түвшинд 234, менежерт 345, гүйцэтгэх албан тушаалд 1,828 хүний баримт бичиг шаардлага хангажээ.

Харин шаардлага хангаагүй хүмүүсийн тухайд ахлах менежерийн түвшинд ажлын байранд тавигдсан боловсролын шаардлага хангаагүй 73, мэргэжлийн шаардлага хангаагүй 72, ажилласан жилийн шаардлага хангаагүй 38, боловсролын түвшин тодорхойлох нотлох баримт хавсаргаагүй 21 буюу нийт 220 хүн сонгон шалгаруулалтын шалгалтаас хасагдаж байна.

Менежерийн түвшинд боловсролын шаардлага хангаагүй 135, мэргэжлийн шаардлага хангаагүй 88, ажилласан жилийн шаардлага хангаагүй 57, боловсролын түвшин тодорхойлох нотлох баримт хавсаргаагүй 13, нотлох баримт хавсаргаагүй 55 буюу нийт 348 хүн.

Гүйцэтгэх албан тушаалд боловсролын шаардлага хангаагүй долоо, мэргэжлийн шаардлага хангаагүй 465, ажилласан жилийн шаардлага хангаагүй 50, боловсролын түвшин тодорхойлох нотлох баримт хавсаргаагүй 31, нотлох баримт хавсаргаагүй 16 буюу нийт 569 хүн гээд бүртгэлд хамрагдсан ч нийт давхардсан тоогоор 1,137 хүний баримт бичиг шаардлага хангаагүй байна.No description available.

Үйлчлэгчийн ажилд 31, жолоочид 49 хүн бүртгүүлсэн бөгөөд бүгд баримт бичгийн шаардлага хангажээ.

Баримт бичгийн шаардлага хангасан эсэх талаарх мэдээллийг e-tanhim.gov.mn сайтаар орж шалгаж болно. Ажлын байрны сонгон шалгаруулалтад бүртгүүлсэн иргэдийн гар утас руу мессэж илгээж байгаа" хэмээн Шинэ сэргэлтийн бодлогын хурдасгуур төвийн Ногоон, бүтээмжтэй хөгжлийн бодлогын газрын дарга С.Санчир мэдээллээ.

Төрийн албаны зөвлөлийн Сонгон шалгаруулалтын газрын дарга Т.Сосорбарам “Эрдэнэс Монгол” ХХК-ийн Нээлттэй болон нөөц бүрдүүлэх ажлын байрны сонгон шалгаруулалтын цахим шалгалт Нацагдоржийн нэрэмжит номын санд явагдана.

No description available.

Шалгалт нэгдүгээр сарын 26, 27-нд явагдана. Шалгалтын цахим системийн дүнд иргэд эргэлзэх хэрэггүй. 2019 оноос хойш төрийн албаны шалгалтад ашиглагдаж, туршигдсан найдвартай систем. Цахилгаан эрчим хүч болон цахим системийн аюулгүй байдлыг холбогдох байгууллагууд найдвартай хангана.No description available.

e-tanhim.gov.mn сайтаар орж, шалгалтын хуваариа харна. Ингээд шалгалтын явц дуусмагц дүнгийн мэдээлэл гарч ирнэ. Шалгалтын дүн төрийн албаны шалгалтын систем, нийтийн вэб сайтад нэгэн зэрэг тавигдана" гэв.

Сэтгэгдэл бичих