Хүсэл гүйцээгч Ханбаян зүрх хайрханд зочилж, Энергийн төвд одон, говийн сакура үзэх гэж жил бүрийн хавар дотоодын аялагчид Дорноговь аймгийн Сайншанд сумын нутаг Хамарын хийдийг зорьдог.
Энэ жил гуравдугаар сарын эхнээс Хамарын хийдийг зорих аялагчдын тоо эрс өсч тавдугаар сарын эхээр аялагч жуулчдын тоо оргилдоо хүрэн амралтын өдрөөр Сайншанд хотын буудал, рестораны захиалга дууссан талаар албаныхан мэдээлэв.
Дорноговь аймагт жилдээ 200 гаруй мянган гадаад, дотоодын жуулчин ирдгээс 90 гаруй хувь нь Хамарын хийдийг зорьсон жуулчид байдаг аж.