Монголын үндэсний олимпын хороо /МҮОХ/-ны Ерөнхийлөгчийн үүрэг гүйцэтгэгч Ч.Наранбаатар, шинээр сонгогдсон ерөнхийлөгчид МҮОХ-ны тамгыг гардуулан өгөв.
Энэхүү ёслолд МҮОХ-ны Ерөнхийлөгч Б.Баттүшиг, Тэргүүн дэд ерөнхийлөгч Ч.Наранбаатар, Дэд ерөнхийлөгч О.Одбаяр, Ерөнхий нарийн бичгийн дарга Э.Бадар-Ууган, Тамирчдын комиссын дарга Д.Отгондалай болон штабын ажилтнууд байлцав.
Ерөнхийлөгч Б.Баттүшиг энэ үеэр мөрийн хөтөлбөртөө тусгасан ажлуудыг хэрэгжүүлэхийн төлөө хамтдаа эрч хүчтэй ажиллах болно гэдгээ хэллээ.
МҮОХ-ны VIII чуулганы үеэр явагдсан ерөнхийлөгчийн сонгуульд Б.Баттүшиг нийт гишүүдийн 92 хувийн саналыг авч, МҮОХ-ны 14 дэх Ерөнхийлөгчөөр сонгогдсон юм.