Ази тивийн 2021 оны өсвөрийн шатарчдын аварга шалгаруулах тэмцээн энэ жил коронавируст цар тахлын улмаас цахим буюу онлайн хэлбэрээр 10 дугаар сарын 22-24-нд охид, 10 дугаар сарын 28-31-нд хөвгүүдийн гэсэн ангиллаар болно.
Тус тэмцээнийг TORNELO платформ дээр зохион байгуулах юм байна. Энэ удаагийн тэмцээнийг Энэтхэгийн шатрын холбоо болон Азийн шатрын холбоо хамтран зохион байгуулна.
Олон нийтэд зарласан мэдээллээр 10 дугаар сарын 15-ны өдөр техникийн хурал, 10 дугаар сарын 16-ны өдөр охидын туршилтын тэмцээн, 10 дугаар сарын 17-ны өдөр хөвгүүдийн туршилтын тэмцээнийг тус тус зохион байгуулахаар хуваарь гаргажээ.