Энэ сарын 2-нд Монгол Улсад ирсэн Франц иргэнээс коронавирусийн халдвар илэрсэн. Тухайн иргэнийг одоо ХӨСҮТ-д эмчилж байгаа юм. ХӨСҮТ-ийн дарга Д.Нямхүүгийн мэдээлж байгаагаар Францын талаас иргэнээ авахыг хүсчээ. Тодруулбал, Д.Нямхүү "Францын талаас иргэнээ авах яриа гарсан. Өвчтөн ч өөрөө ийм санал гаргасан. Гэхдээ одоо эндээ эмчлүүлэх нь зөв гэж шийдсэн байгаа. Энэ нь хамгийн зөв хувилбар" гэсэн юм.
Тус иргэний биеийн байдал хүндэвтэр ч амин үзүүлэлтэд өөрчлөлт гараагүй, хэвийн байгаа аж.