Манай улсад иргэн бүрт хүрэлцэх хэмжээний вакцин бий гэж АНУ-ын Ерөнхийлөгч Жо Байден сэтгүүлчдийн асуултад хариулах үеэрээ мэдэгджээ.
“Бид 600 сая тун вакцин худалдан авснаар “Johnson & Johnson” компанийн вакцины хэрэглээг түр зогсоох шийдвэр гаргасан ч вакцин насанд хүрсэн иргэдэд хангалттай хүрнэ” хэмээн тэрбээр хэлсэн байна.
Вакцины дараах гаж нөлөө илэрч болзошгүйтэй холбогдуулан компанийн нэг тунт “Janssen” вакциныг хэрэглэхээ түр зогсоохыг АНУ-ын Эрүүл мэнд, нийгмийн хамгааллын яамны Хүнс, эмийн чанарын газар, Өвчинд хяналт тавих урьдчилан сэргийлэх газар зөвлөжээ.
АНУ-д 7 сая орчим хүнд тус вакциныг тариулсан байна. Уг вакциныг хийсний дараа ховор болон хүнд хэлбэрийн цусны бүлэн үүссэн зургаан тохиолдол бүртгэгджээ. Үүнээс гадна вакцинаа Европын орнуудад нийлүүлэхээ хойшлуулж буйгаа “Johnson & Johnson” компани мэдэгдсэн байна.