Токио хотноо болж буй мэргэжлийн сумо бөхийн хаврын тэмцээн 6 дахь өдөр Сэкиваке Тэрүнофүжи Г.Ган-Эрдэнэ, Кирибаяама Б.Лхагвасүрэн /М-4/-тэй учраа таарч цүридаши мэхээр давж 5 даваа, нэг унаатай явна.
Тэрбээр өчигдөр Оношо /М-1/-д ошидаши мэхээр ойчсон юм. Харү башёг өнөөдрийн байдлаар Чиёонокүни /М-9/, Мёогирюү /М-4/, Комүсүби Такаясү, Сэкиваке Таканошо, Озэки Асанояма, Сэкиваке Тэрүнофүжи нарын 6 бөх 5 даваатай башёг тэргүүлж байна.
Өнөөдөр Ичиножёо А.Ичинноров /М-6/, Тамаваши Б.Мөнх-Оргил /М-6/ нар учраа тааран Ичиножёо хатакикоми мэхээр давснаар 4 даваа, 2 унаатай болсон бол Тамавашигийн даваа, унаа адил 3 боллоо.
Харин энэ өдөр Хошёорюү С.Бямбасүрэн /М-9/, Чиёотарюү /М-11/-г ошидаши мэхээр хаяж 3 даваа, унаатай болсон бол Чиёошома Г.Мөнхсайхан /М-13/, Дайамами/М-16/-тай таарч, түүнийг цүкиотоши мэхээр унагаж 4 даваатай башёг үргэлжлүүлж байна.
Өнөөдрийн байдлаар энэ башёд хүч үзэж байгаа 3 Озэки цолтноос Шодай хоёрхон даваатай яваа бол Такакэйшо 4 даваа, 2 унаатай байгаа юм. Харин Озэки Асанояама ганц унаатай башёг үргэлжлүүлж байна.