PUBG Mobile-ын ДАШТ-ий гуравдугаар байрын шагналт Монголын “Zeus Esports” баг дараагийн тэмцээндээ урилгаар оролцохоор болжээ.
Тэд 5000 ам.долларын шагналын сантай MAJOR PRIDE LEAGUE 2021 /RUSSIA/ тэмцээний финалын шатанд шилдэг 16 багийн нэгд багтаж өрсөлдөх юм байна.
Өнөөдөр оройн 18 цаг 40 минутаас эхлэн тоглох бөгөөд дараа нь нэгдүгээр сарын 30, 31-ний өдрүүдэд Улаанбаатарын цагаар 22 цаг 50 минутаас болох тэмцээнд “Zeus Esports”-оос гадна дэлхийн аваргад оролцсон гурван баг урилгаар оролцох юм. Үүнд, ДАШТ-ий дөрөвдүгээр байрын шагналт Оросын NAVI, ДАШТ-ий зургадугаар байрын шагналт Казахстаны KONINA POWER ДАШТ-ий шилдэг 16-д шалгарч чадаагүй Шведийн GODSENT багууд багтжээ.