Арилжааны банкууд нэгдүгээр сарын 30-ны өдрийг дуустал иргэдээс ипотекийн зээлийг хойшлуулах талаар хүсэлтийг цахимаар хүлээн авч буй талаар Төв банк мэдээллээ.
"COVID-19"-ийн цар тахлын хүндрэлтэй холбоотойгоор банкууд орон сууцны ипотекийн зээлийн төлөлтийг хойшлуулах хүсэлтийг иргэдээс хүлээн авч шийдвэрлэж буй бөгөөд 1 дүгээр сарын 22-ны байдлаар нийт 53180 зээлдэгч хүсэлт гаргаснаас 52384 хүсэлтийг буюу 99 орчим хувийг бүрэн шийдвэрлэж, зээлийн эргэн төлөлтийг хойшлуулсан байна.
Өнгөрсөн оны 11 дүгээр сараас хойш банкууд ипотекийн зээлийн хөтөлбөрийн хүрээнд 99.5 тэрбум төгрөгийн ипотекийн зээлийг 1362 өрхөд олгожээ.
52384 иргэний зээлийн эргэн төлөлтийг хойшлуулжээ.
Монголбанк болон арилжааны банкны санхүүжилтийн хүрээнд 2020 оны 11 дүгээр сараас 2021 оны 1 дүгээр сарын 25-ны хооронд банкууд нийт 99.5 тэрбум төгрөгийн ипотекийн зээлийг 1362 өрхөд олгосон байна. Үүнээс Монголбанкны эх үүсвэрээр 974 иргэнд, 62.3 тэрбум төгрөгийн ипотекийн зээлийг олгосон бол банкны эх үүсвэрийн санхүүжилтээр 388 иргэнд 37.2 тэрбум төгрөгийг олгожээ.