ШУА нээлттэй хаалганы өдөрлөгийг цахим хэлбэрээр зохион байгуулж байна. Энэ сарын 7-11-нд ШУА-ийн Физик, технологийн хүрээлэнгийн нээлттэй хаалганы өдөрлөг болж байна. "Физикийн ертөнцөөр хамтдаа" уриан дорж эхэлж буй тус өдөрлөгийн хүрээнд академич Ц.Баатар "Физик, технологийн хүрээлэн Монголын фикикийн шинжлэх ухааны хөгжилд" сэдвээр өнөөдөр цахим илтгэл тавьж байна. Мөн академич Д.Сангаа "Тэгш хэмийн гайхамшиг" сэдвээр мягмар гарагт, доктор Ц.Энхбат "Элементүүдийн үүсэл" сэдвээр ирэх лхагва гарагт тус тус илтгэл тавих юм.
