/Reuters/. Хориг цуцлагдвал газрын тосны экспортын хэмжээг богино хугацаанд өдөрт 2 сая гаруй торход хүргэхэд бэлэн гэж Ираны Ерөнхийлөгч Хасан Роухани мэдэгдэв.
“АНУ-ын эдийн засгийн дайн газрын тосны худалдаанд олон саад учруулсан хэдий ч Д.Трампын Ираны газрын тосны экспортыг тэглэх санаа нь бүтээгүй юм. Д.Трамп Цагаан ордноос явснаар энэ зорилгодоо хүрч чадахгүй. Цөмийн хэлэлцээр бүрэн хэрэгжиж, хориг цуцлагдвал Иран газрын тосны экспортоо богино хугацаанд өдөрт 2 сая гаруй торход хүргэх боломжтой” хэмээн тэрбээр хэлжээ.
Энэ онд Иран өдөрт дунджаар 600-700 мянган торх газрын тос экспортолжээ. АНУ 2018 оны 11 дүгээр сарын 5-нд Ираны хориг арга хэмжээг бүрэн сэргээсэн. Үүний улмаас Ираны газрын тосны экспортын хэмжээ огцом унаж, өнгөрсөн 5 дугаар сард өдөрт 100 мянган торх газрын тос нийлүүлсэн нь урьд өмнө нь байгаагүй бага үзүүлэлт болсон юм.