Бүх нийтийн бэлэн байдлын үед Нийслэлийн онцгой комиссоос иргэний цахим үнэмлэх, QR системд тулгуурлан иргэдийн хөдөлгөөн, автомашины хөдөлгөөнд хяналт тавина.
Түүнчлэн, Нийслэлийн онцгой комисс иргэдэд анхааруулга хүргэсээр байна.
Үүнд:
-Хүнс, эм тариа, түлш, ундны ус худалдан авахаас бусад тохиолдолд гэрээсээ гарахгүй байх
-Хүнс, эм тариа, түлш, ундны ус худалдан авахаар гэрээсээ гарсан бол 1 цагийн дотор гэртээ буцаж ирнэ. Зөвхөн гэр бүлийн нэг гишүүн ойролцоох хүнсний дэлгүүрээс хүнсээ худалдаж авна.
-Хүнсний дэлгүүр, эмийн сангаар үйлчлүүлэхдээ хүн хооронд 1.5-2 метрийн зай барина.
-Иргэд зорчих үедээ иргэний цахим үнэмлэхээ биедээ заавал авч явна.
-Хөл хорионы хугацаанд зөвхөн ажиллах зөвшөөрөлтэй аж ахуйн нэгжүүдийн тухайн өдрийн ээлжийн хуваарьтай иргэд алба, амины автомашин, нийтийн тээврээр өглөөний 07.00-10.00, оройн 17.00-20.00 цагт зорчино.
-Бусад иргэдийн автомашины болон явган хөдөлгөөнийг 24 цагийн турш хориглосон гэжээ.
