Засгийн газрын өнөөдрийн хуралдааны үеэр Хууль зүй, дотоод хэргийн сайд Х.Нямбаатар мэдээлэл өглөө.
Тэрбээр мэдээлэхдээ "Өчигдөр Засгийн газрын хуралдаанаар нийтийн хэв журам хамгаалах чиглэлээр алба хаагчдад тус бүр 800 мянган төгрөгийн буцалтгүй тусламж, Дотоод хэргийн их сургуулийн сонсогчдод 420 мянган төгрөгийн тусламж үзүүлэхээр шийдвэрлэсэн.
Хөл хорионы дэглэмийн үед гэр бүлийн хүчирхийлэл нэмэгдэх эрсдэл бий болдог. Гэр бүлийн хүчирхийллийн дуудлага уржигдрын байдлаар 49, өчигдөр 36 болсон. Ердийн үеийнхээс 60 хувь буураад байна. Энэ нь согтууруулах ундаа түүгээр үйлчлэхийг зогсоосонтой холбоотой гэж бид үзэж байна. Үүнээс гадна цахим орчинд согтууруулах ундаа борлуулах 56 тохиолдлыг таслан зогсоосон" гэлээ.