“Эрдэнэс Тавантолгой” ХК нь нээлттэй хувьцаат компани болох бэлтгэл ажлын хүрээнд “1072 хувьцаа” нээлттэй өдөрлөгийг улс орон даяар зохион байгуулж байна.
Дархан-Уул, Орхон аймгийн иргэдэд хувьцаа өвлүүлэх, данс нээх үйлчилгээг үзүүлж, 1072 хувьцаатай холбоотой бүх талын мэдээллийг нэг дороос хүргэлээ.
Өдөрлөгт “Эрдэнэс Тавантолгой” ХК, Санхүүгийн зохицуулах хороо, Дархан-Уул, Орхон аймгийн Улсын бүртгэлийн хэлтэс, Монголын хөрөнгийн бирж, Үнэт цаасны төвлөрсөн хадгаламжийн төв, Монголын нотариатын танхимын орон нутаг дахь салбар болон үнэт цаасны компаниуд оролцож, хувьцаа өвлүүлэх, данс нээх үйлчилгээг иргэдэд үзүүлж зөвлөгөө, мэдээлэл өгөв.
Маргааш “1072 хувьцаа” нээлттэй өдөрлөг Сэлэнгэ аймагт үргэлжлэн зохион байгуулагдана.
