Э.Дэлгэрмаа ДАШТ-ээс мөнгөн медаль зүүлээ

"Белград 2023" чөлөөт бөхийн ДАШТ-ий сүүлийн өдөр эмэгтэйчүүдийн 68 кг-ын жинд U23 насны дэлхийн аварга шалгаруулах тэмцээний хүрэл, залуучуудын дэлхийн аварга шалгаруулах тэмцээний мөнгөн медальт, Азийн аваргын нэг мөнгө, 2 хүрэл медальт ОУХМ Э.Дэлгэрмаа эзэн орны тамирчин Эмилия Яковльевичийг 14:4 оноогоор, олимпийн хүрэл, ДАШТ-ий 2 мөнгө, нэг хүрэл медальт Казахстаны Елена Шалыгинаг даралтаар, ДАШТ-ий нэг мөнгө, 2 хүрэл медальт Францын Коумба Ларрокийг 2:1 оноогоор, АНУ-ын Эмма Брунтилыг эхний үед цэвэр даралтаар тус тус ялж финалд шалгараад байсан.

Тэрбээр алтан медалийн төлөөх барилдаанд ДАШТ-ий хошой хүрэл медальт Туркын Бусе Тосунтай барилдаж 4:3 оноогоор хожиж явсан ч хармсалтайгаар цэвэр ялагдлаа. Ингэснээр Э. Дэлгэрмаагийн хувьд залуучууд, U23, насанд хүрэгчид гэх 3 насны ангилалд дэлхийн медальтан тамирчин болж байна.

Сонирхуулахад, тэрбээр 2018 оны 9 дүгээр сарын 22-ны энэ өдөр залуучуудын дэлхийн аварга шалгаруулах тэмцээнд үзүүрлэж байсан бол, өнөөдөр насанд хүрэгчдийн ДАШТ-ээс мөн мөнгөн медаль хүртлээ.

Э.Даваанасан ДАШТ-ий мөнгөн медаль хүртлээ

Сербийн Белград хотноо болж буй чөлөөт бөхийн дэлхийн аварга шалгаруулах тэмцээний эмэгтэйчүүдийн 72 кг-ын жинд зодоглосон Азийн аварга шалгаруулах тэмцээний хүрэл медальт, ОУХМ Э.Даваанасан Польшийн Наталья Стрзалкаг 8:1 оноогоор, Болгар улсын тамирчин, 2019 оны Европын наадмын хүрэл медальт Софиа Георгиеваг 9:1 оноогоор, ДАШТ-ий хошой мөнгөн медальт, Азийн 3 удаагийн аварга Казахстаны Жамила Бакбергеноваг 6:2 оноогоор тус тус хожиж Дэлхийн аваргын  алтан медалийн төлөө барилдах эрхтэй болсон.

Тэрбээр өнөөдөр эмэгтэйчүүдийн 72 кг-ын жингийн Дэлхийн аварга болох эсэхээ шийдэх барилдаанд АНУ-ын залуу од өсвөр, залуучууд, U23, насанд хүрэгчид гэсэн дөрвөн насны ангиллын Дэлхийн аварга Амит Эйлорт 8:2 оноогоор ялагдаж мөнгөн медалийн эзэн боллоо. ОУХМ Э.Даваанасангийн хувьд ДАШТ-ээс анхны медалиа хүртэж байгаа нь энэ юм.

"Белград-2023" чөлөөт бөхийн ДАШТ-д манай улсын эмэгтэй тамирчид маш амжилттай барилдаж дахин хоёр бөх медальт байрт шалгараад байна.

"Белград-2023" чөлөөт бөхийн ДАШТ-ий сүүлийн өдөр эмэгтэйчүүдийн 68 кг-ын жинд Азийн аваргын мөнгө, 2 хүрэл медальт ОУХМ, Э.Дэлгэрмаа эзэн орны тамирчин Эмилия Яковльевичийг 14:4 оноогоор, Казакстаны тамирчин олимпын хүрэл, ДАШТ-ий 2 мөнгө, нэг хүрэл медальт Елена Шалигинаг даралтаар, Францын тамирчин ДАШТ-ий нэг мөнгө, 2 хүрэл медальт Коумба Ларрокийг 2:1 оноогоор тус тус ялж хагас шигшээ шатанд шалгарсан юм. Тэрбээр ДАШТ-ий медалийн болзол хангах үгүйгээ шийдэх барилдаанд АНУ-ын Эмма Брунтилыг эхний үед 6:0 оноогоор хожиж явахдаа цэвэр дарж финалд шалгарлаа.

“Белград 2023” ДАШТ-ий 72 кг-ын жинд өрсөлдөж буй Монгол Улсын тамирчин, Азийн аварга шалгаруулах тэмцээний хүрэл медальт, ОУХМ Э.Даваанасан эхний даваанд Польшийн Наталья Стрзалкаг 8:1 оноогоор, Болгар улсын тамирчин, 2019 оны Европын наадмын хүрэл медальт Софиа Георгиеваг 9:1 оноогоор ялж хагас шигшээд шалгарсан. Харин 1/2 шигшээд өчигдөр барилдаж, ДАШТ-ий хошой мөнгөн медальт, азийн 3 удаагийн аварга Казахстаны Жамила Бакбергеноваг 6:2 оноогоор хожсоноор 72 кг-ын жинд дэлхийд финалдахаар боллоо. Ийнхүү мөнгөн медалиа нэгэнт халаасалсан түүнд ДАШТ-ий аваргын төлөө хүч үзэх боломж нээгдэж байна.

Дэлхийн аварга шалгаруулах тэмцээний 62 кг-д хүч үзсэн МУГТ П.Орхон эхний барилдаандаа БНХАУ-ын тамирчин, өнгөрсөн оны ДАШТ-ий мөнгөн медальт, энэ оны Ази тивийн аварга Лон Жиаг 8:5 оноогоор ялж шилдэг 16-д үлдээд, дараагийн учраа болох Канадын тамирчин, Пан Америкийн хошой аварга Ана Годинезийг 13:6 оноогоор ялж, шөвгийн наймын шигшээ барилдаанд шалгарсан. Тэмцээний 1/4 шигшээ барилдаанд "Белград 2023" ДАШТ-ий 3 дахь учраа болох ЕАШТ-ий мөнгө, хүрэл, 23 хүртэлх насны ДАШТ-ий хүрэл медальт Германы Луиза Нимештэй барилдаж 4:3 оноогоор харамсалтайгаар ялагдлаа. Луиза Нимеш хагас шигшээ барилдаанд ялагдсан тул манай тамирчин дагаж барилдах эрхгүй болж тэмцээнээ өндөрлүүлэв. 

/МОНЦАМЭ/. "Белград-2023" ДАШТ-ий эмэгтэйчүүдийн 50 кг-ын жинд манай улаас ДАШТ-ий мөнгө, хүрэл медальт МУГТ Д.Отгонжаргал өрсөлдсөн юм.

Тэрбээр өчигдөр Дэлхийн аваргын хүрэл медальт Туркийн Эвин Демирханыг 8:3 оноогоор, Европын аваргын хошой хүрэл медальт Беларусийн Ксения Станкевичийг 12:1 оноогоор, олимпын хүрэл, Дэлхийн аваргын 2 мөнгө, 1 хүрэл медальт АНУ-ын Сара Хилдебрандтыг 7:5 оноогоор тус тус ялж финалд шалгарсан билээ.

Харин манай тамирчин алтан медалийн төлөө Япон улсын тамирчин олимпын аварга, дэлхийн 3 удаагийн аварга Юи Сүсакид 10:0 оноогоор цэвэр ялагдсан ч, МУГТ Д.Отгонжаргал дэлхийн аваргын хошой мөнгөн медальтай болж, олимпын эрхээ авч чадлаа.

"Белград-2023" чөлөөт бөхийн Дэлхийн аварга шалгаруулах тэмцээний 5 дахь өдөр эмэгтэйчүүдийн 50 кг-ын жингийн финалын барилдаанууд болж ийнхүү өндөрлөлөө.

Эмэгтэй 50 кг жингийн медальт байрт:

1. Юи Сүсаки /Япон/
2. Долгоржавын Отгонжаргал /Монгол/
3. Сара Хилдебрандт /АНУ/
4. Фен Зики /БНХАУ

/BBC/. “Google DeepMind” компанийн Лондон дахь салбарын судлаачид генийн мутаци нь эрүүл мэндэд хэр аюулгүй болохыг хиймэл оюун ухаан ашиглан тогтоодог программ бүтээснээ зарлалаа.

Уг алгоритмын ажиллах зарчмыг “Science” сэтгүүлд мягмар гарагт нийтлэгдсэн эрдэм шинжилгээний өгүүлэлд дэлгэрэнгүй тайлбарлажээ.

“AlphaMissense” хэмээн нэрлэсэн дээрх программ нь удамшлын ховор өвчнийг оношлох, эмчлэхэд жинхэнэ хувьсгал хийж чадна гэдэгт “Google DeepMind”-ын судлаачид итгэлтэй байна.

Харин бие даасан шинжээчид уг программын ажиллах зарчмын тухайд болгоомжтой хандаж байна. "Энэ бол сайхан мэдээ. Магадгүй өнөөдөр генийн тодорхой мутаци нь эрүүл мэндэд учирч болзошгүй эрсдэлийг урьдчилан таамаглах хамгийн сайн арга байж болох юм. Гэхдээ хоёр, гурван жилийн дараа хамгийн шилдэг нь байж чадах уу гэдэг нь эргэлзээтэй" гэж Эдинбургийн их сургуулийн тооцооллын биологийн профессор Жозеф Марш ярьсныг "Nature" сэтгүүл эш татжээ.

Мутаци гэдэг нь ДНХ-ийн урт гинжин хэлхээг угсрагдах явцад нэг холбоос санамсаргүйгээр нөгөө холбоосоор солигдсоны улмаас гардаг алдаа юм. Ийм алдаа тийм ч ховор биш тохиолддог. Энгийн хүний генээс 10 мянга шахам ийм солигдсон холбоос илэрч болох гэнэ. Заримдаа энэ нь эс үйлдвэрлэдэг уургуудад ямар ч нөлөө үзүүлэхгүй. Харин зарим үед хорт хавдар эсвэл цистик фиброз /гол төлөв уушгийг гэмтээдэг, хүндэрсэн тохиолдолд бөөр, зүрхийг ч гэсэн давхар өвчлүүлдэг/ зэрэг ноцтой өвчин үүсэхэд хүргэдэг байна. Ийм мутаци үүссэн тохиолдолд хүний биеийн үйл ажиллагаанд хэрхэн нөлөөлөхийг таамаглахад үнэхээр түвэгтэй.

Саяхныг хүртэл эрдэмтэд 4 сая орчим ийм мутацийг илрүүлж чадсан боловч дөнгөж 2 хувийг нь л хор хөнөөлгүй эсвэл ямар нэг өвчин үүсгэдэггүй гэдэг ангилалд оруулжээ. Харин “Google DeepMind”-ын судлаачид ангилан ялгах уг ажиллагаанд хиймэл оюун ухаан ашигласан байна. Тэд эхний ээлжинд уургийн дараалал нь зарчмын хувьд хэрхэн харагдахыг тодруулахын тулд алгоритмд хүний болон хүн дүрст мичнүүдийн ДНХ-ийн сая сая дээжид хийсэн шинжилгээний хариуг оруулжээ. Харьцуулах ийм олон тооны баазтай тул хиймэл оюун ухаан нь мутацийг тодорхойлж, болзошгүй хор хөнөөлийг үнэлж чадсан байна.

Судалгааг ахлан явуулсан Жун Чен мутацийг урт өгүүлбэрт нэг үг солигдохтой зүйрлэжээ. Тухайн хэлээр ярьдаг хүний хувьд өгүүлбэрийн утгыг бүхэлд нь өөрчилсөн эсэхийг тодорхойлоход хэцүү биш байдаг.

“AlphaMissense” нь удамшлын кодын нэг холбоос солигдох нь ДНХ-ийн бүхэл бүтэн урт гинжин хэлхээнд хэрхэн нөлөөлөхийг үнэлдэгтэй ижил аргаар ажилладаг байна.

Нийтдээ уг алгоритм нь мутаци үүсгэж болзошгүй 70 сая гаруй холбоосыг тоолж, тус бүрийг нь шинжилсний дараа 89 хувийг нь санамсаргүй солигдсон холбоос гэж ангилсан бол 57 хувь нь хоргүй, өөрөөр хэлбэл эрүүл мэндийн асуудал үүсгэдэггүй, 32 хувь нь эмгэг төрүүлэгч гэсэн ангилалд оржээ.

Харин 11 хувийг нь тодорхойлж чадаагүй байна.

/kommersant/. Европын орнуудад хиймэл оюун ухааныг хөгжүүлэхэд гаргах зардал энэ онд 34.2 тэрбум ам.доллар болох бөгөөд энэ нь дэлхий даяарх нийт зардлын 20.6 орчим хувийг эзэлнэ гэж “IDC” дүн шинжилгээний компани тооцоолжээ.

Харин 2027 он гэхэд Европт хиймэл оюун ухааныг хөгжүүлэх жилийн зардал 96.1 тэрбум ам.доллар болж өснө гэж тус компанийн шинжээчид таамаглаж байна.

Инфляцын түвшин өндөр, макро эдийн засаг, геополитикийн байдал хүндрэлтэй байгаа хэдий ч энэ салбар огцом өснө гэж тус компани үзэж байна. 2022-2027 оныг хүртэл Европт жилийн өсөлтийн хурдац 29.6 хувь байх бол дэлхийн хэмжээнд 26.9 хувьтай байх аж.

Хиймэл оюун ухааны хамгийн том хэрэглэгчид нь банк (15.7 хувь), тусгай мэргэжлийн үйлчилгээ (11.2 хувь), жижиглэнгийн худалдаа (10.9 хувь), үйлдвэрлэл (10.3 хувь), харилцаа холбоо (8 хувь) зэрэг салбарууд юм. Тус салбарын хөгжил нь мөн үүсмэл мэдрэлийн сүлжээнүүдээс хамаарч байгаагаас гадна мэдээллийн технологийн салбарыг оновчтой болгох, үйлчилгээний чанар, хэрэглэгчдийн аюулгүй байдлыг хангах, кибер халдлагаас урьдчилан сэргийлэхэд хиймэл оюун ухааныг ашиглаж байна.

Чөлөөт бөхийн насан хүрэгчдийн Дэлхийн Аварга Шалгаруулах Тэмцээн(ДАШТ) Сербийн Белград хотын "Старк Арена"-д болж байна. Эмэгтэйчүүдийн 50 кг жинд ОУХМ Долгоржавын Отгонжаргал мөнгөн медалийн төлөө Сара Анн Хилдебрандттай барилдаж 7:5 харьцаатайгаар ялалт байгууллаа. Манай улсын тамирчин сүүлийн хоёр минут хүртэл нэг оноогоор ялагдаж байв. Удалгүй хэвтээ барилдаанаас идэвх үзүүлж 40 секундийн дотор долоон оноо авч илүүрхсэн юм.

Аваргын алтан медалийн төлөө Япон улсын тамирчин Сүсаки Юитэй маргааш барилдана. Ингэснээр ОУХМ Д.Отгонжаргал Японы бөхтэй хоёр жил дараалан ДАШТ-ий аваргын төлөө барилдахаар болж байна. Сүсаки Юи нь чөлөөт ДАШТ-д гурван удаа түрүүлсэн амжилтаар 50 кг жингээ тэргүүлдэг байна.

Д.Отгонжаргал гурван дэлхийн аварга дараалж медаль хүртсэн Монголын анхны тамирчин болов.

CCTV-ийн спортын суваг, Олимпын суваг, үндсэн суваг, мэдээний суваг, CGTN зэрэг телевизийн сувгууд, мөн Хятадын дуу хоолой, Дэлхийн мэдээлэл зэрэг өргөн нэвтрүүлэг, түүнчлэн CCTV News, CCTV видео зэрэг ХТРТ-ийн бусад шинэ медиа платформыг ашиглан, Азийн спортын наадмыг бүх талаас нь үзүүлэхийн тулд олон сэдвээр тусгай нэвтрүүлгийн булан гаргаж эхэлсэн байна.

Чөлөөт, сонгомол бөхийн “Белград-2023” Дэлхийн Аварга Шалгаруулах Тэмцээн Серби улсын Белград хотноо болж байна.

Тэмцээний гурав дахь өдрийн барилдаанд 2021 оны ДАШТ-ий хүрэл медальт Т.Тулга эхний даваанд гоц мөргөж, хоёрдугаар тойрогт Германы Александер Семисоровыг 9:2 оноогоор ялж, Азербайжаны дэлхийн гурван удаагийн аварга, олимпын мөнгө, хүрэл медальт Хажи Алиевтай хүч үзлээ.

Монголын бөх 6 минутын турш давамгайлж, учраа нь арга саам хэрэглэн удаа дараа саатуулсан энэ барилдааны эцэст шүүгчдийн бүдүүлэг шийдвэрээр Азербайжан бөхийн гарыг өргөв. Ийнхүү 5:2 оноогоор монгол бөх ялсан ч 3:3 буюу сүүлчийн оноогоор 32 настай Хажи Алиев ялалтыг авлаа.

Т.Тулгын барилдаантай холбогдох өргөдлийг Дэлхийн Бөхийн Холбооны техникийн зөвлөлд гаргасан болохыг Монголын чөлөөт бөхийн холбооноос мэдэгдлээ.

Харин эмэгтэйчүүдийн 59 кг-д ОУХМ Х.Болортуяа AIN-Беларусийн залуу бөх Кристина Сазыкинаг 5 минутад цэвэр ялж, хоёрдугаар тойрогт Азербайжаны Алена Колесниктой барилдахаар болжээ.

“Штарк арена” спортын ордонд өрнөж байгаа энэхүү тэмцээнд 100 шахам орны 1,023 бөх чөлөөт бөх, сонгомол бөх, эмэгтэй чөлөөт бөхийн 30 жинд өрсөлдөж байна. “Парис-2024” олимпын 90 эрхийг нийт 18 жинд олгох аж.

ДАШТ есдүгээр сарын 24-нийг хүртэл үргэлжилнэ.

Эх сурвалж: Монголын Чөлөөт Бөхийн Холбоо

Морьт харвааны Дэлхийн аварга шалгаруулах тэмцээнийг Монгол Улсад анх удаа “Чингис хааны хүрээ” аялал жуулчлалын цогцолборт 2023 оны 9 дүгээр сарын 7-10-нд зохион байгууллаа.

Монголын өнө эртний уламжлалт соёлын өв “Морьт харваа” нь Монгол Улсын биет бус өвийн төлөөллийн үндэсний бүртгэлийн “Уламжлалт баяр наадам, зан үйл, ёс, тоглоом наадгай, уриа дуудлага төрөлд албан ёсоор бүртгэгдсэн байдаг.

Цаашлаад нүүдэлчдийн түүх соёл, уламжлалыг олон улсад таниулах ажлуудыг үе шаттай хэрэгжүүлэн улмаар морьт харвааны мэргэжлийн холбоод олон улсын тэмцээний дүрэмд Монголын уламжлал харваа болох бөмбөгтэй харвааг оруулж ирж батлуулсан нь чухал үйл явдал болж байна.

Хурд хүч, эрэмгий зориг, цэц мэргэнийг нэгэн дор нэгтгэсэн Монгол соёлын биет бус өвийн төрөл Морьт харвааны Дэлхийн аварга шалгаруулах тэмцээнд 20 гаруй орны 90 орчим мэргэн харваач тамирчид өрсөлдсөн юм.

Тус тэмцээнд багийн дүнгээр нэгдүгээр байрт Франц Улс, хоёрдугаар байрт Монгол Улс, гуравдугаар байрт Казахстан Улсын баг тамирчид тус тус шалгарлаа.