Японы мэргэжлийн сумоч Батжаргалын Мөнх-Оргил буюу Тамаваши Ичиро Гиннесийн дээд амжилтыг тогтоож, батламжаа гардан авчээ.

Тэрбээр сумогийн дэвжээнд хамгийн олон удаа дараалан барилдсан бөх болсон бөгөөд одоогоор 1763 удаа нэг ч өнжилгүй барилдаад байгаа юм байна.

48 дахь удаагийн “Дакар ралли-2026” хөшгөө хааж ангилал тус бүрийн шилдэг тамирчид авто, мото спортын олимпын хүнд хэцүү, бахархам гайхамшгийг мэдрүүлсэн 14 хоног өндөрлөлөө.

Уралдааны мотоциклийн төрөлд 120 гаруй тамирчин уралдав. Тэгвэл манай улсаас Монгол Улсын гавьяат тамирчин Э.Халиунболд, олон улсын хэмжээний мастер П.Мөрөн нар оролцож, алтан соёмбот төрийн далбаагаа мандуулж, эх орныхоо нэрийг дуурсгалаа. Сүүлийн буюу хаалтын 13 дахь гараанд “Тал нутгаас Дакарт” төслийн тамирчин Э.Халиунболд 13 гарааны дараах нийлбэр дүнгээр шилдэг 20, Ралли-2 ангилалдаа 10-т багтав. Тодруулбал, нийт тамирчдаа 16, Ралли-2 ангилалд зургаадугаар байр эзэлжээ. Түүнчлэн шилдэг шинэ тамирчны гуравдугаар байрын цомын эзэн боллоо. Энэ бол монгол хүний Дакарт бичсэн түүх юм. Ингэснээр Монголоос “Дакар ралли”-д оролцсон тамирчдаас цом хүртсэн анхны тамирчин болов.

Тэрбээр уралдаанаа дуусгасны дараа “Дакарт уралдахад төсөөлөл анх байгаагүй ч үүнийг хийх ёстой л гэж бодсон. Гэхдээ дотроо нууцхан шилдэг 20-д багтах юмсан гэх хүсэлтэй. Тэгээд “Дакар ралли”-д оролцсоноор 16-т багтаж, зарим гараанд дээгүүр уралдаж, зураг унших сургалтад сууж чихээ онгойлгон номын дуу сонссондоо баяртай байна. Бидний төслийг анхнаас дэмжиж байсан бүх хүнд баярлалаа. Энэ хүртэл авч явсан “Тал нутгаас Дакарт” төслийн багийнхаа хамт олонд талархал илэрхийлье” хэмээн ярилаа.

Тэгвэл олон улсын хэмжээний мастер П.Мөрөн ерөнхий дүнгээр 29, Ралли-2 ангилалдаа 19 дүгээр байрт шалгарсан амжилтаар 48 дахь удаагийн “Дакар ралли”-г өндөрлүүллээ. Тэрбээр “Адармаатай төгсгөл байлаа. Энэ хүртэл намайг дэмжсэн бүх хүнд баярлалаа. Ямартай ч 13 гараагаа дуусгаж, шилдэг 30-д багтсандаа баяртай байна” гэв.

Энэхүү уралдаанд амжилттай оролцсон Монголын баг тамирчид энэ сарын 20-ны өглөө эх орондоо газардана.

Японы Токио хотод болсон “Их дуулга”-ын үеэр тус улсын жүдогийн холбооны удирдлагууд Монголын жүдо бөхийн холбооныхонтой албан ёсны уулзалт хийж, хоёр талын хамтын ажиллагааг өргөжүүлэх шийдвэр гаргажээ.

Энэ хүрээнд “Judo for Tomorrow” төслийг Монгол Улсад дахин хэрэгжүүлэхээр болсон байна. Уг төсөл нь Монголын жүдо бөхийн хөгжлийг дэмжих, ялангуяа хүүхэд, өсвөрийн жүдогийн дасгалжуулагч нарыг чадавхжуулахад чиглэх аж. Төслийн хүрээнд 2026 оны хоёрдугаар сарын 1-10-нд Японы мэргэжлийн дөрвөн дасгалжуулагч Улаанбаатар хотод ажиллаж, орон нутгийн жүдогийн багш, дасгалжуулагч нарт зориулсан 10 хоногийн сургалт зохион байгуулна.

Түүнчлэн “Кодокан институт төв”-тэй хамтран ажиллах бөгөөд энэ хүрээнд өсвөрийн 10-15 дасгалжуулагчийг мэргэшүүлэх сургалтад үнэ төлбөргүй хамруулах аж. Дээр дурдсан хамтын ажиллагаа нь Монголын жүдо бөхийн хүүхэд, өсвөр үеийн сургалтын чанарыг дээшлүүлэх, багш, дасгалжуулагчдын мэргэжлийн ур чадварыг олон улсын түвшинд ойртуулах чухал алхам болно гэдгийг талууд онцоллоо.

Ташрамд дурдахад, “Их дуулга”-ын дараа манай шигшээ багийнхан “Кодокан институт төв”-д тав хоногийн турш олон улсын хамтарсан бэлтгэлд оролцоод эх орондоо ирж байна.

“Бөртэ чоно-2025” тэргүүн дээд шагнал гардуулах ёслол өндөрлөлөө. Наадмаар шилдэг 24 амжилтыг мялаажээ.

Спортын салбарын оны шилдгүүдийг тодруулдаг “Бөртэ чоно-2025” тэргүүн дээд шагнал гардуулах ёслолын ажиллагаа өчигдөр боллоо.

Наадмын шилжин явах цом буюу “Бөртэ чоно-2025” шилдгийн шилдэг тамирчнаар гавьяат тамирчин Т.Тулга шалгарлаа. Тэрээр чөлөөт бөхийн дэлхийн аварга шалгаруулах тэмцээнд мөнгөн медаль хүртсэн амжилтаараа энэ шагналыг хүртлээ

Спортын шилдэг сэтгүүлчээр МҮОНТВ-ийн Спортын сэтгүүлч, Монголын спортын сэтгүүлчдийн холбооэвны Ерөнхий нарийн бичгийн дарга Д.Батжаргал тодорч, “Бөртэ чоно”-ын эзэн боллоо

“БӨРТЭ ЧОНО-2025” НААДМЫН ШИЛДЭГ ЭМЭГТЭЙ ТАМИРЧНААР П.ОРХОН ШАЛГАРЛАА

“БӨРТЭ ЧОНО-2025” НААДМЫН ШИЛДЭГ ЭРЭГТЭЙ ТАМИРЧНААР К.ЁОЛК ШАЛГАРЛАА

“Бөртэ чоно-2025” | Шилдэг эрэгтэй тамирчин А.Баттулга (Бокс)

“Бөртэ чоно-2025” | Шилдэг эрэгтэй тамирчин Ш.Ёолк (Жүдо бөх)

Паралимпын Шилдэг тамирчин Д.Сэлэнгээ (Байт харваа)

Шилдгийн шилдэг эмэгтэй тамирчин Л.Алтанцэцэг (Бокс)

Шилдэг эмэгтэй тамирчин П.Орхон (Чөлөөт бөх

Шилдэг эмэгтэй тамирчин Б.Ганхайч (Жүдо бөх)

Шилдэг баг – Эмэгтэйчүүдийн 3х3 сагсан бөмбөгийн шигшээ баг

Эзэн Богд Чингис хааны мэндэлсний 863 жилийн ой, “Монгол бахархлын өдөр”-т зориулсан “Чингис хаан” цомын төлөөх чансаа өндөр 128 бөхийн барилдаан өнөөдөр 12:00 цагт Монгол бөхийн өргөөнд эхэлнэ.

Тус барилдаанд дархан аварга Н.Батсуурь, улсын аварга О.Хангай, арслан Э.Оюунболд, Ц.Бямба-Отгон, Э.Батмагнай, Р.Пүрэвдагва, Ц.Содномдорж нарын тэргүүтэй улсын цолтой 47 бөх барилдахаар бүртгүүлжээ. Тодруулбал, дархан аварга нэг, улсын аварга нэг, арслан тав, заан долоо, харцага 12, начин цолтой 21 бөх байгаа юм. Тэгвэл үлдсэн 81 бөхийг чансааны оноогоороо жагссан аймгийн цолтнууд бүрдүүлж байна.

“Монгол бахархлын өдөр”-ийн барилдаанд өнгөрсөн жилээс “Чингис хаан” шилжин явах цом олгож эхэлсэн бөгөөд анхны цомын эзнээр улсын харцага Э.Даш тодорч байв.

Энэ удаагийн барилдаанд улсын арслан Б.Орхонбаяр, харцага Б.Зоригтбаатар, О.Мөнх-Эрдэнэ, Э.Сумъяабат нар зодоглохгүй. Б.Орхонбаярын арслангийн тухайд өнөөдөр Солонгос дахь фэн клубийнхээ уулзалтад оролцоно. Харин улсын харцага Б.Зоригбаатар, О.Мөнх-Эрдэнэ, Э.Сумъяабат нар бэртлийн улмаас “Чингис хаан” цомын барилдааныг өнжиж байна.

Өчигдөр танилцуулсан ФИФА-гийн чансаагаар ОХУ-ын хөл бөмбөгийн шигшээ баг 1524,52 оноотой болсноор 30 дугаар байрнаас 33 дугаар байр руу ухарчээ. Шинэчилсэн чансаанд Панам (1540,43), Польш (1532,04) Уэльсийн (1529,71) шигшээ багууд Оросын багийн өмнө бичигдсэн байна.

Харин эхний гуравт бичигдэж байсан Испани (1877,18), Аргентин (1873,33), Францын (1870) багуудын чансаа өөрчлөгдсөнгүй.

11 дүгээр сарын их завсарлагааны үеэр В.Карпины удирдсан Оросын шигшээ баг 12-нд Санк-Петербург хотноо Перугийн багтай нөхөрсөг тоглолт хийж 1:1-ээр тэнцсэн бол 15-нд Сочид болсон тоглолтод 0:2 харьцаагаар Чилийн багт хожигджээ.

19-ний өдөр гаргасан ФИФА-гийн шинэчилсэн чансааны эхний 10 багийг танилцуулбал:

1 (1). Испани - 1877,18 оноо

2 (2). Аргентин - 1873,33

3 (3). Франц - 1870

4 (4). Англи - 1834,12

5 (7). Бразил - 1760,46

6 (5). Португал - 1760,38

7 (6). Нидерланд - 1756,27

8 (8). Бельги - 1730,71

9 (10). Герман - 1724,15

10 (11). Хорват - 1716,88

2022 оны хоёрдугаар сард Украинд болж буй үйл явдалтай холбогдуулан ФИФА болон УЕФА-гийн зүгээс Оросын шигшээ багууд ба клубүүдийг олон улсын тэмцээнүүдэд тодорхойгүй хугацаагаар оролцуулахгүй байх шийдвэрийг гаргасан юм. 2023 оны намар дээрх хоёр холбоо цэргийн тусгай ажиллагаа дуусах хүртэл хоригийг хэвээр үлдээсэн байна.

Зүүн Азийн супер лигийн 2025-2026 оны улиралд оролцож буй “Хасын хүлэгүүд” баг Солонгосын аварга “Эл Жи Сэйкерс” багтай хэсгийн ээлжит тоглолтоо өнөөдөр хийнэ.

Тэд хэсгийн эхний тоглолтдоо Японы “Алварк”-ийг талбайд нь 84:69-өөр, дараа нь Тайванийн аварга “Нью Тайпэй Кингс”-ийг эх орондоо хүлээн авч 90:76-гаар буулган авсан юм. Ингэснээр 2-0 гэсэн амжилтаар хэсгээ итгэл төгс тэргүүлж байна. Дөрөв хоногийн өмнө болсон тоглолтод Иан Миллер 40 оноогоор багаа тэргүүлсэн байдаг. Өнөөдрийн тоглолт 19:00 цагт “М банк арена”-д болно.

Ташрамд сонирхуулахад, тэд өчигдөр “Холбооны цом”-ын тоглолтын хүрээнд “Рояаль” их сургуулийн багийг 108:73-аар буулган авснаар хоёрдугаар шатанд шалгарсан юм.

“Лос-Анжелес-2028” Олимпын наадмын нээлт болоход 1000 хоног үлдээд буйг наадмыг зохион байгуулагчид Оклахома хотын удирдлагуудтай даваа гарагт хамтдаа тэмдэглэж, наадмын софтбол, каноэ слаломын тэмцээнийг зохион байгуулах бэлтгэл ажил эрчимтэй явагдаж байгааг мэдэгджээ.

“Лос-Анжелес-2028” наадмыг зохион байгуулах хорооны дарга Кейси Вассерман, гүйцэтгэх захирал Рейнольд Хувер нар 2028 оны Олимпын софтбол, каноэ слаломын тэмцээн уралдаан болох “OKC Softball Park”, “OKC Whitewater Center”-т зочилсныхоо дараа Оклахома хотын дарга Дэвид Холт болон OKC багийн ерөнхийлөгч Майкл Бирнс нартай хамт мэдэгдэл хийсэн байна.

“Лос-Анжелес-2028” Олимпын наадам нь Лос-Анжелес дахь Номхон далайн эргээс Оклахома хотын төв нутаг хүртэлх бүс нутаг, оршин суугчдыг холбох болно” гэж К.Вассерман хэлжээ. Д.Холтын хувьд Оклахомагийн оролцоог “амьдралд нэг удаа тохиох боломж” хэмээн тодорхойлоод, тус хотод хоёр спортын төрлийн долоон тэмцээнийг зохион байгуулахаар төлөвлөж байгааг тэмдэглэсэн байна.

Лос-Анжелес хотод 1932, 1984 оноос хойш гурав дахь удаагаа Олимпын наадмыг зохион байгуулах гэж байгаа бол Паралимпын наадмыг анх удаа зохион байгуулах гэж байгаа юм. Олимпын наадам долоодугаар сарын 14-30-ны хооронд үргэлжлэх бол Паралимп наймдугаар сарын 15-27-ны өдрүүдэд болно.

Зохион байгуулагчид зардлыг хянаж, шинэ барилга байгууламж барихаас зайлсхийхийн тулд Өмнөд Калифорни даяар болон сонгосон түнш хотууд дахь байгууламжуудыг ашиглахаар төлөвлөж байгааг онцлон тэмдэглэжээ. Өнгөрсөн сард Лос-Анжелес хотын дарга Карен Басс, Д.Холт нар хоёр хотын төлөвлөлтийг уялдуулах тухай харилцан ойлголцлын санамж бичигт гарын үсэг зурсан байна.

Бейсбол/софтбол нь Олон улсын Олимпын хорооноос “Лос-Анжелес-2028” наадмын үеэр тэмцээн уралдаан явуулахыг зөвшөөрсөн крикет, лакросс, сквош зэрэг спортын төрлүүдийн нэг бол каноэ слалом нь үндсэн хөтөлбөрийн нэг хэсэг юм.

Монголын сагсан бөмбөгийн холбооны үндэсний дээд лигийн 2025-2026 оны шинэ улирлын тоглолт өчигдөр нээлтээ хийлээ.

Тоглолтын өмнө өнгөрсөн улирлын аварга “Хасын Хүлэгүүд” болон “Улаанбаатар Амазонс” багийнхан аваргын бөгжөө гардан авсан бол артистууд уран бүтээлээрээ үзэгчдэд бэлэг барив. 2025-2026 оны улиралд 2014, 2019 оны ДАШТ болон “Токио-2020” олимпын наадамд ажилласан олон улсын шүүгч Кинслэй Ожеабуру ажиллаж буйгаараа онцлогтой.

Улирлын нээлтийг “Улаанбаатар Амазонс”, “Пиратес” багийн тоглолтоор эхлүүлсэн бөгөөд лигийн хошой аваргууд өрсөлдөгчөө 77:50-аар буулган авлаа. Уг тоглолтод “Амазонс”-оос Амари 23, Б.Ариунцэцэг 15, Каялэйег Труонг, Б.Болор-Эрдэнэ нар тус бүр 10 оноогоо багтаа тус хүргэжээ. Харин лигт анх удаа оролцож буй “Пиратес”-аас М.Булбул 16, Т.Үлэмж 12, Б.Цацрал 11 оноо авсныг эс тооцвол бусад нь тун хангалтгүй байлаа. Тэд багаараа дөнгөж 22 хувьтай довтолсон нь хожигдлын гол шалтгаан болов.

Тэгвэл эрэгтэйчүүдийн лигийн өнгөрсөн улирлын финалд таарсан “Хасын Хүлэгүүд”, “Бишрэлт Металл” багийн тоглолтод “Металл”-чууд 70:65-аар хожлоо. Хожсон багаас Кристиан Брэдфорд 27, Ч.Маргад 17, Т.Ууганбаяр 14 оноо авсан бол “Хүлэгүүд”-ээс Б.Барсболд 13, А.Азбаяр 19, Иан Миллер 13 оноогоор багаа тэргүүлсэн ч хожиход хангалттай биш байв.

Үндэсний дээд лигийн дараагийн тоглолтууд энэ сарын 4-нөөс эхлэн Дархан-Уул аймгийн “Дархан Юнайтед Арена”-д дөрвөн өдрийн турш үргэлжилнэ. Хуваарийг хүргэе.

Аравдугаар сарын 4

13:10 цагт: Завхан Бродерс-Хасын Хүлэгүүд /эр/

15:40 цагт: Дархан Юнайтед-Би Си Эйч Найтс /эр/

Аравдугаар сарын 5

13:10 цагт: Аравт-Этүгэн Ирвэсүүд /эм/

15:40 цагт: Сэлэнгэ Бодонс-Монголианс /эр/

Аравдугаар сарын 6

18:10 цагт: Алтан Од-Пиратес /эм/

20:40 цагт: Бишрэлт Металл-Эс Жи АПЭС /эр/

Аравдугаар сарын 7

18:10 цагт: Улаанбаатар Амазонс-АОДЭ Винкс /эм/

20:40 цагт: Дархан Юнайтед-Ховд Шонхорууд /эр/

Монголын үндэсний шигшээ багийн бүрэлдэхүүнд өвөл, зун, паралимпын спортын 27 төрөлд 60 дасгалжуулагчийн удирдлага дор нийт 254 тамирчин бэлтгэл сургуулилтаа хангаж, тэмцээнд оролцож байна.

Тэд энэ оны есөн сарын байдлаар олон улс, тив, дэлхийн чанартай тэмцээнээс 34 алт, 36 мөнгө, 65 хүрэл, нийт 135 медаль хүртсэнийг Биеийн тамир, спортын улсын хорооноос мэдээлэв. Үүнийг задалбал насанд хүрэгчдийн ДАШТ-ээс дөрвөн алт, таван мөнгө, найман хүрэл медаль хүртсэн бол өсвөрийн нэг алт, хоёр хүрэл, залуучууд нэг хүрэл медалиар энгэрээ мялаажээ. Түүнчлэн залуучууд болон насанд хүрэгчдийн ААШТ-ээс 15 медаль зүүсэн байна.

Үндэсний шигшээ багийн тамирчдаас энэ оны анхны медалийг гүйлтийн цанын олон улсын Б.Ачбадрах авсан. Тэрбээр нэгдүгээр сард Солонгосын Ганвон хотод болсон тэмцээнээс хоёр алтан медаль хүртэж байв. Тэгвэл отгон медалийг өнгөрсөн амралтын өдөр жүдо бөхийн олон улсын хэмжээний мастер Б.Гончигсүрэн эх орондоо авчирчээ. Түүний хувьд Чиндаогийн гранпригийн +100 кг-ын жинд түрүүлсэн юм.